Articles from 3rdParty :: EGMJ :: News

List | Trash | RSS

Offiziell Virstellung an Iwwerreechung vum VADEMECUM 3. Abrëll 2017 um 18h00 / Häerzlech Invitatioun un all d’Membere vun der EGMJ

2016 ass an engem kontinuéierleche Prozess vum EGMJ-Qualitéitszirkel ënnert der Leedung vun der Qualitéitsbeoptragt Fernande Klares, ausgoend vun der Members-Enquête duerch eist Virstandsmember Thérèse Michaelis, e VADEMECUM ausgeschafft ginn. De VADEMECUM ass ee praktesche Guide fir Träger vu Jugendstrukturen, den a Form vu Classeur eng Textsammlung spezifesch fir Gestiounswësse bereet hält.

Réckbléck Assemblée Générale vun der “Schëtter Jugendhaus a.s.b.l.”: Dënschdeg, den 21. Mäerz 2017

A Präsenz vum Buergermeeschter Jean-Pierre KAUFFMANN, dem Schäffe Victor BACK, dem ASBLs-Comité an der Educateurséquipe huet d’ASBL vum Schëtter Jugendhaus Dënschdeg Owend hir Generalversammlung ënnert der Leedung vum Präsident Robert HUTMACHER ofgehaalen. Fannt hei e puer Fotoen vum Owend, bei dem en turbulent Joer 2016 ofgeschloss an e grousse Programm fir 2017 virgestallt gouf:

“Pose de pierre” vum neie Jugendhaus Foussbann zu Differdange

E Freideg de 17te Mäerz, a Präsenz vum Erzéiungsminister Claude Meisch, dem Buergermeeschter Roberto Traversini, dem Schäffen-a Gemengerot, de JugendaarbechterInnen aus de Jugendhaiser an hire Comitésmemberen, den Architekten an Ingenieuren, a virun allem a Präsenz vun de Jonken, hunn d’Stad an de Jugendtreff Déifferdang ageluede, fir um Site vum alen AS Differdange Terrain am Fuussbann, de Start ze gi fir de Bau vun engem neie Jugendhaus.

Réckbléck Assemblée Générale vun der Jugendkonferenz: 17/3/2017

Freideg, de 17. Mäerz 2017 huet am flotte Kader vun der Maison de l’Europe d’AG vun der CGJL stattfond.

No enger Introductioun vun der Madame Yuriko BACKES, Chef de la Représentation de la Commission européeenne au Luxembourg, huet d’Präsidentin Djuna BERNARD a Präsenz vun de Memberen, dem Team an den Invité’en d’Generalversammlung geleet.

Fannt hei e puer Impressiounen vum Owend:

Esch – Festival du Film intergénérationnel: Séance “Les héritiers” de Samsten 1.4.2017 um 14 Auer fir Jugendlëcher

Info vum EFFI speziell fir Jugendhaiser:

D’Séance vun „Les héritiers“ déi de Samsten 1. Abrëll um 14h00 gespillt gett riicht sech virun allem u Jonker. Mir hunn dëss Séance spéziell fir d’Jugendhäiser fräigehalen a wiere frou wann d’Thématique vun der Shoah kéint an enger Aktivitéit mat de Jonken matagebonne ginn. Nom Film intervenéiert den Här Schroeder Frank, Directer vum Musée national de la résistance vun Esch a geet nach emol mat de Jonken zesummen an Théma an.

Formation “Get involved”: 17/6/2017 zu Bascharage

L’Agence du Bénévolat en collaboration avec ASTI, Caritas, Croix-Rouge luxembourgeoise et Reech eng Hand vous invitent à la formation de base pour les bénévoles intéressés à s’engager auprès des réfugiés et des demandeurs de protection internationale. La prochaine formation aura lieu le 17 juin prochain à Bascharage.

Formation de base 170617

INVITATIOUN: Séminaire fir JugendaarbechterInnen “Jonker duerch e Verännerungsprozess begleeden”, den 18.5.2017 vun 8:30-17:00

Fannt an der Annexe de Programm an d’Ausschreiwung vum Séminaire fir Jugendaarbechterinnen a Jugendaarbechter: Jonker duerch e Verännerungsprozess begleeden – Wou fänkt d’Transitioun un a wou hält se op?

Zesumme mam Service Jeunesse vum MENJE an de Kolleginnen a Kollege vum Projet « Outreach Youth Work » invitéiere mir alleguer d’JugendaarbechterInnen häerzlech op e gemeinsamen Echange doriwwer, wéi Verännerungsprozesser beim Jonken duerch methoudescht Schaffen an der Jugendaarbecht encadréiert kënne ginn.

Pages