Articles from 3rdParty :: EGMJ :: News

List | Trash | RSS

National Porte-ouverte vun de Jugendhaiser: 10. Mee 2014

Léif Jugendhaiser, léif Intresséiert,

fannt an der Annexe déi nei Flyeren an Affichen fir d’Porte-ouverte an dësem Joer. D’Equipe vun der EGMJ ass am gaang, iech déi Saachen an dëser Woch auszeliwweren.

An dësem Joer sinn och Brochuren gedréckt ginn, déi op 5 Sproochen kuerz erklären, wat e Jugendhaus ass. D’EGMJ seet den Educateuren, déi mat dodru geschafft hunn, wéi och dem SNJ an dem MENJE en décke MERCI fir déi gutt Kollaboratioun!

D’Raiffeisebank ass och an dësem Joer Sponsor fir Radiospotten op RTL an Eldoradio.

Neie Mataarbechter bei der Entente!

Säit Meindeg huet d’EGMJ en neie Mataarbechter, den Terry Krier, deen op dem OTI-Posten den Nofolger vum Henri Becker ass. Den Terry ënnerstëtzt d’Equipe vun der Entente am administrative Beräich. Doriwwer eraus steet hien de Jugendhaiser fir Museksprojeten, haaptsächlech Band- a Sangprojeten awer och fir Text-Atelier’en zur Verfügung. Den Terry Krier ass ënnert der Telefonsnummer: 26 29 32 35 oder per Mail op oti.egmj@gmail.com fir iech do.

Pages