Articles from BEE SECURE :: Podcast

List | Trash | RSS

Passwierder sinn awer net wéi Zännbiischten

Mir hunn eis alleguerte schonn eng Kéier geiergert, wa mir eis bei engem néie Service umelle wollten an deen eist Passwuert net akzeptéiert huet, well et net sécher genuch wier. Oder well mir all dräi Méint d‘Passwuert ännere sollten. Sinn déi Reegele fir sécher Passwierder iwwerhaapt alleguerten esou sënnvoll? Ronderëm d‘Thema gouf a ginn et vill Mythen – elo sinn nei Recommandatioune fir sécher Passwierder erauskomm.

Mam Handy op d‘Plage?

Et ass Summer an domadder och Vakanzenzäit. Vill vun eis gënnen sech eng Auszäit un enger Plaz um Mier, an do ass deen een oder anere Besuch op der Plage dann och ageplangt. Nieft der Loftmatrass, dem Handduch an der Schëpp, fir eng Sandbuerg ze bauen ass bei ville Leit och de Smartphone am Gepäck. D‘Plage ass awer keen esou frëndlechen Environnement fir een Smartphone.

Sécher am oppene WLAN?

Am Summer sinn vill vun eis méi ënnerwee wéi soss. A grad wann d‘Wieder gutt ass, setze vill Leit gäre mol op enger Terrasse vun engem Café oder soss engem Lokal. An do notzt een – wéi an der Vakanz am Ausland souwisou – gäre mol den ëffentleche WLAN. Dat ass allerdéngs net ëmmer ouni Risiko. Ech erklären iech dofir haut, wouropper dir oppasse kënnt, wann dir an engem ëffentleche WLAN ënnerwee sidd.

Endlech Vakanz!

Elo ass et esouwäit: Fir Schüler huet d‘Summervakanz zu Lëtzebuerg ugefaangen. Verschiddene Studente wäerten nach e bëssi op der Uni schweesse mussen, mä dofir dierfen si dann och am September nach méi laang hir fräi Zäit genéissen. De Summer heescht eben och Vakanzenzäit. Vill Lëtzebuerger wäerten déi eng oder aner Woch un der Plage verbréngen oder soss enzwousch fort fueren. An kaum een wäert dat hautdesdaags nach ouni Smartphone maachen, vill huelen esouguer hiren Tablet oder Laptop mat an d‘Vakanz. Dofir schwätze mir haut doriwwer, wouropper dir sollt oppassen.

Opgepasst mat der „Snap Map“

Snapchat ass een vun de sozialen Netzwierker, dat virun allem vu ganz jonke Leit benotzt gëtt – fir Erwuessener ass d‘App, déi ouni vill Erklärungen auskënnt an där hir Funktiounen net ëmmer direkt verständlech sinn, wahrscheinlech ze „jonk“. Ëmsou méi wichteg misst der Firma d‘Privatsphäre vu hire User sinn. Mä elo gëtt et eng nei Funktioun, déi ganz ville Snapchat-User geféierlech kéint ginn.

Kee Smartphone um Steier!

Et ass eng Situatioun, déi vill vun eis wahrscheinlech kennen: Kuerz kucken, wien do grad eng Noriicht geschriwwen huet oder esouguer bei enger rouder Luucht séier äntweren. Obwuel een weess, datt een dat net soll, berouegt een säi schlecht Gewëssen da mat Sätz wéi „Ech maachen dat jo just, wann et wierklech wichteg ass“.

Enn vum Roaming an der EU

Wéi ech mäin alleréischte BEE SECURE-Podcast opgeholl hunn, war et grad decidéiert ginn: de Roaming an der EU sollt ofgeschaaft ginn. An elo, am Juni 2017, ass et endlech esouwäit. Ween am europäeschen Ausland den Handy benotzt, muss dofir net méi bezuele wéi doheem. Et ginn awer trotzdeem e puer Saachen, ob déi dir oppasse sollt.

Pages