loisirs

Hollenfall

Vu Feierspäitze bis hin zu de komplizéiertsten Zauberspréch an Zaubertränk, op der berühmter Zauberschoul Hollenfall kanns du alles iwwer Magie léieren. Erlief ee Schlass voller Abenteuer, Mysterien a Rätselen. Mell dech an deng Kollege séier un an erlief dat Onvirstellbart.

Mountainbike Weekend

Du bass e leidenschaftleche Mountain-Bike Fuerer, hues well bësse Fuerkenntnis, wëlls awer gären nei Erfahrunge sammelen an och deng Technik verbesseren? Wëlls De dobäi och nach nei Leit kenneléieren a Spaass hunn? Da mell dech bei eis un a sief gespaant op eng flott Aventure.

Kolonie Emol Anescht (colonie d'intégration)

Wëlls du eng Kolonie erliewen an Éisträich, déi eemol anescht ass? An enger flotter Géigend, wou mer ënner anerem e Sky Walk maachen, bis erop op 1600m an eng wonnerschéin Alm hiken an do iwwernuechten an déi gréisste Zipline an den Alpe rocken. Wéi et sech op enger Kolonie eemol anescht gehéiert, kënne Fräizäiten zum Beispill am Wellnessberäich oder an der schéiner Alstad gemaach ginn. Den eemol anescht kënnt dohir, dass dës Kolonie fir jiddereen ass a keen Handicap en Hindernis duerstellt, ganz nom Motto „barrierefreier Urlaub“.

Mir hunn op dëser Kolonie 10 Plaze fir Jonker mat Behënnerungen. Wann äert Kand eng Behënnerung huet, da schreiwt eis dat w.e.g. bei d’Umeldung dobäi. Dëst as wichteg, fir dass mir zesumme mat eisen Animateuren déi richteg Präparativen treffe fir ärem an deenen anere Kanner een optimalen Oflaf vun der Aktivitéit garantéiren ze kënnen. Zur Präparatioun gehéiert och een obligatorescht Gespréich virun der Kolonie tëscht Eltren a Responsabel, wou si d’Kand a seng Behënnerung besser kenneléieren. Déi lescht Decisioun ob d’Kand ka matgoen oder net, trëfft den SNJ a Récksprooch mat de Responsabel vun der Kolonie, well si d’Verantwortung hunn a mussen aschätze kënnen, ob si wärend der Kolonie fir dat Kand kënne korrekt suergen.

Momentan sinn déi 10 Plaze fir Jonker mat Behënnerung scho besat. Fir déi Plaze kann ee sech just nach op d'Waardelëscht aschreiwen.

Check-In

Wanns du am September nach keng Loscht hues u Schoul ze denken, mee de Summer nach eng lescht Kéier a vollen Zich wëlls genéissen, da bass du zesumme mat denge Frënn genau richteg um Check-In. Hei erwaarden dech Kayak, Stand up paddle, kreativ Workshops, en Hike a vill aner genial, kreativ a lëschteg Momenter!

Erliefniskolonie

Hues du Loscht fir 10 Deeg laang super Aktivitéite matzemaachen? Fir dech mat Kollege gutt z’ameséieren an eng onvergiesslech Zäit ze verbréngen? Wëlls du selwer decidéiere wéi eng Atelieren, Aktivitéiten an Hiken dass du maache wëlls? An och de Stau mam VTT, Stand up Paddling, oder Kayak nei entdecken? Da mell och du dech schnell fir d'Erliefniskolonie um Neihaischen un.

Zeltkolonie fir eis all 2 (colonie d'intégration)

Vulleberéngungscamp

Während dësen Deeg beobachten a berénge mir Villercher während der Migratioun zu Remerschen op de Baggerweieren. Um Programm stinn awer och nach aner Natur-Aktivitéiten, ewéi Päiperléke fänken, Reptilien an Amphibie sichen a bestëmmen, schwammen a villes méi.

4 Nuechten am Zelt

Du hues nach ni an engem Zelt geschlof a géifs et gär eng Kéier probéieren? Da komm bei eis: mir maache flott Spiller, puddelen am Waasser, bastelen a schlofen a groussen Zelter. Fir gutt Stëmmung beim Lagerfeier ass och gesuergt, dofir looss dir déi flott Zäit net entgoen!

Move and Groove - Summer Workshop

Dëse Summer invitéiere mir iech fir ze Sangen an ze Danzen! Während e puer Deeg huelen déi Jonk tëschent 8 a 16 Joer um Workshop „Move and Groove“ deel, mat engem

oofwiesslungsräiche Museksprogramm am Beräich Rock/Pop (La Bamba, Rock around the Clock, Y.M.C.A bspw.).

D‘ Anne Koch an d‘Marie Weis begleeden iech mat vill Spaass a flotten Aktivitéiten duerch de waarme Summer.

Pages